Nga ku shkurtohet që të ketë më shumë para për shëndetësinë?
maqedonia
Nga ku shkurtohet që të ketë më shumë para për shëndetësinë?

Nga ku shkurtohet që të ketë më shumë para për shëndetësinë?

Shkup, 14 nëntor - Buxheti i ministrisë së shëndetësisë për vitin e ardhëshëm do kap 107 milion euro, kjo do të thotë se ky resorë përfiton 41 milion euro më shumë se nga ky vit kur ishte shkurtuar me ribalancin e fundit.

Buxheti i 2018 - 107 milion euro
Buxheti i 2017 - 65.8 milion euro
Dallimi - 41 milion euro.

Shuma prej 20.3 milion euro është paraparë për ndërtimin e qendrës klinike në Shkup dhe Shtip. Por nga MSH sqariojnë se kjo shumë është paraparë për klinikën e Shtipit derisa për atë të Shkupit akoma po bëhet revizion i marrëveshjes së nënshkruar.

"Lidhur me mjetet e parashikuara nga buxheti, sqarojmë se bëhet fjalë për mjete të parapara për klinikën e Shtipit, derisa për kompleksin e madh klinik në Shkup akoma po bëhet revizion", sqarojnë nga ministria.

Ideja e klinikës së re në kryeqytet ishte e qeverisë së kaluar kur ish ministri Todorov në fund të mandatit të tij kishte nënshkruar marrëveshjen derisa qeveria e re e kishte stopuar atë me arsyetim se lokacioni nuk përshtatet dhe se revizioni akoma po zgjatë dhe nuk ka përgjigje se a është gjetur lokacioni e kur do të fillojë ndërtimi.

Në buxhetin e vitit të ardhëshëm ka një shumë minimale për 8 mijë euro për kartela shëndetësore, pikërisht ky projekt për të cilin qytetarët paguanin nga xhepi i tyre, dhe nga ministria theksojnë se kjo është zgjidhje momentale derisa të bëhet një zgjidhje e vazhdueshme që qytetarët të kenë letërnjoftim elektronik.

"Pritet që kjo problematikë të zgjidhet deri në fund të këtij viti e kjo zgjidhje është letërnjoftim elektronik", thonë nga ministria.

Ndërkohë që ministria akoma paguan para për ndërtimin e PET qendrës për të cilën janë ndarë 872 mijë euro, për ambulancat rurale janë paraparë 50 mijë euro, ndërsa për rekonstruimin e spitalit të Kërçovës janë ndarë 1.1 milion euro.

© ZHURNAL 14.11.2017, 18:52 | T.E. | 1,327 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."