ZHURNAL.MK ZHURNAL.KS ZHURNAL.AL

 

Sport
Barzagli pas eliminimit: Dëshpërim i madh

Andrea Barzagli ka kërkuar falje për dështimin e Italisë për t’u kualifikuar në Kampionatin Botëror pas ndeshjeve ndaj Suedisë.

Andrea Barzagli ka kërkuar falje për dështimin e Italisë për t’u kualifikuar në Kampionatin Botëror pas ndeshjeve ndaj Suedisë.

Mbrojtësi italian e luajti ndeshjen e fundit me kombëtaren, së bashku me Gianluigi Buffon, Daniele De Rossi dhe Giorgio Chiellinin.

“Është dita më e keqe për t’u larguar”, ka thënë Barzagli për TMW Radio.

“Është një dëshpërim i madh për ne, kjo pasi kombëtarja i bashkon të gjithë, pa marrë parasysh se tifoz të cilës skuadër janë”.

“Kemi dëshpëruar të gjithë ata që na kanë ndjekur sonte, si ata që na kanë ndjekur në stadium po ashtu edhe nga televizioni. Është e vështirë të flasim për aspektin teknik në këtë kohë, por pasi nuk jemi kualifikuar do të thotë se kemi bërë diçka gabim”.

“Sonte i kemi dhënë futbollit italian një goditje të madhe, por me duhet të vazhdojmë të lëvizim para”, ka shtuar Barzagli.

36-vjeçari nga viti 2004 është paraqitur në 73 ndeshje për Italianë, por nuk kishte fatin të shënon ndonjë gol. /Telegrafi/

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 14.11.2017, 14:29  | Xh.I. | 648 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | Xh.I. | 2.286 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.