« Han në Shkup, Zaev në Beograd, mbledhja e Strumicës » Çfarë po "zihet" në kazanin e Maqedonisë?
Bexheti: Ligji i gjuhës shqipe hap pozitiv por jo përfundimtar
« Analizë » Çereki i qytetarëve të Maqedonisë janë anëtar të VMRO-së, LSDM-së dhe BDI-së
« Analizë » "Dy fytyrat e Zaevit"
Një kryetar si Visar Ganiu i duhet Çairit
maxresdefault_56.jpg

Shkup, 21 tetor - Gara zgjedhore për kreun e komunës së Çairit po hyn në raundin e dytë. Kandidati i Bashkimit Demokratik për Integrim, Visar Ganiu, në balotazhin e së dielën, më 29 tetor, do të përballet me rivalin e tij, Zekirija Ibrahimi nga Lëvizja Besa. 

A është në avantazh Ganiu, përveç fitores në raundin e parë ku la pas vetes të gjithë kandidatët e tjerë? Aq sa mund të shihet nga fushata që po organizon këto ditë, Visar Ganiu është duke e shfrytëzuar në maksimum kohën për të perfeksionuar programin e tij qeverisës. Takimet e tij me elektoratin vazhdojnë me tempon e njëjtë ashtu si edhe gjatë fushatës për raundin  e parë të zgjedhjeve. Ai vazhdon të jetë më shumë se më parë  gjenerator i nismave dhe modeli i kuvendimit  me qytetarët. 

Rasti i Ganiut është një ndër të rrallët që arrijnë të sigurojnë mbështetje të pakursyer jo vetëm tek popullata, profesionistë të profileve të ndryshme, por edhe të vetë institucioneve shtetërore. Vetë kreu i ekzekutivit, kryeministri Zoran Zaev, në takimin më të fundit me banorë të Çairit  duke e cilësuar kandidatin  Ganiu si njeriun e kohës së re që beson në konceptin një shoqëri për të gjithë, kërkoi prej tyre mbështetje në raundin e dytë të zgjedhjeve, si kryetar të ardhshëm të komunës së Çairit. Zaev premtoi se po ashtu qeveria që ai drejton do të mbështesë realizimin e programit që Ganiu i ka prezantuar qytetarëve.  Për një kryetar të ardhshëm të komunës bashkëpunimi me Qytetin e Shkupit është një tjetër hallkë në zinxhirin e projekteve që duhet të realizohen. Petre Shilegov, kryetari i sapozgjedhur i Qytetit të Shkupit është një prej njerëzve që kanë qëndruar pranë Ganiut, jo vetëm në fillimet e fushatës, por edhe tani. Të dy janë parë në takime të përbashkëta, madje edhe në një udhëtim me autobusin e linjës urbane ku kanë diskutuar për çështjen e rrugëve me një korsi. 

Ajo çfarë e bëri model dhe vazhdon të inspirojë kandidatin Ganiu në “betejën” për kreun e komunës është përqendrimi i tij tek shfrytëzimi i të gjitha mundësive për të grumbulluar informacionin e nevojshëm, përmes numrit rekord të kontakteve me familje, të rinj, punonjës institucionesh, aktivistë për të drejtat e grave, kafshëve, mjedisit e të tjera. Gjatë gjithë periudhës së dy fushatave Ganiu ndryshon nga modelet e fushatbërjes që qytetarët rëndom janë mësuar të shohin ai ka evituar në maksimum përqendrimin e vëmendjes dhe energjive në vokabularin rivalizues me oponentët e vet politikë. Madje ai u kthye në një lloj modeli që oponentët politkë u munduan ta ndiqnin dhe ta përvetësonin. 

Kontrata e tij Çairi shtëpia ime 2017-2021, që përbëhet nga 11 shtylla mbi të cilat do të orientohen politikat për zhvillimin e zonës, vazhdon të plotësohet me një sërë aneksesh, bazuar në kërkesat, sugjerimet që Ganiu i ka marrë dhe vazhdon t’i marrë nga qytetarët.  Rikthimi i tij në fushatë është më i fortë se kurrë, ndërsa fitorja më pranë se asnjëherë tjetër. Nëse në fillimet e tij Visar Ganiu u mundua që të dalë nga anonimiteti  duke prezantuar fillimisht familjen, vetveten...., programin dhe konceptin e tij për një komunë më të mirë, tani ai është mishëruar natyrshëm në vizionet e qytetarëve për  t’u ulur në poltronin e kryetarit. Dhe çfarë duhet të ketë më shumë një kryetar që i mungon Visarit? 

Me votën e 15 tetorit pjesa ata që votuan për numrin 3, rrethuan jo vetëm një emër pa të cilin nuk mund të imagjinojnë të ardhmen e komunës, por zgjodhën opsionin më të mirë edhe për të gjithë banorët e tjerë, votuan për një kryetar si Ganiu, që jo vetëm premton një vizion të ri dhe komunë ndryshe, por edhe beson tek projektet e prezantuara në letër dhe është duke u angazhuar maksimalisht për realizimin e tyre. Përgjigjen se çfarë i mungon Çairit, qytetarët me siguri që do ta japin pas disa ditësh – Një kryetar si Visar Ganiu.       

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 21.10.2017, 18:16  | D.J. | 2,669 i lexuar

 

© ZHURNAL.mk

MË TË LEXUAR
« Han në Shkup, Zaev në Beograd, mbledhja e Strumicës » Çfarë po "zihet" në kazanin e Maqedonisë?
Bekim Jashari në Zajaz: Ali vëlla, jemi në rrugë të mbarë
Eli Fara në këtë foto e le shumë mbrapa vajzën e saj Marinën! (Foto)
Shyhrete Behluli dhe Gold Ag përsëri në duet (Foto/Video)
Kjo është reja e Ardit Gjebreas (Foto)
 


MARKETINGU    |    IMPRESUM    |    KONTAKT    |    ARKIVA

AGJENCIA E LAJMEVE "ZHURNAL"


Shkup, R. Maqedonisë
Fon: 02 3217 815
E-mail: info @ zhurnal.mk

maqedoniakosovashqiperiabotaekonomikronikasportkultureshowbizteknologji
© 2017 ZHURNAL
Të gjitha të drejtat e përmbajtjes në këtë portal janë të rezervuara.
Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.