BDI fitoi më së shumti mandate në Këshillin e komunës së Vrapçishtit
maqedonia
BDI fitoi më së shumti mandate në Këshillin e komunës së Vrapçishtit

BDI fitoi më së shumti mandate në Këshillin e komunës së Vrapçishtit

Shkup, 18 tetor - Lista e Bashkimit Demokratik për Integrim (BDI) për anëtarë në këshillin e komunës Vrapçisht mori mbështetjen e 3.507 votave (34,43 për qind) me çka fitoi shtatë mandate këshilltarësh.

Sipas rezultateve të shpallura të KSHZ-së, Aleanca për Shqiptarët e Ziadin Selës në këtë komunë të Pollogut i fitoi 2.806 vota (27,55 për qind) që i solli gjashtë vende këshilltarësh. Për listën e Partisë demokratike të turqve në Maqedoni (DPT) votuan 1.330 persona (13,06 për qind) për Lëvizjen BESA mbështetje dhanë 1.010 votues me çka i fituan dy mandate.

Një këshilltar në këshilin e ri të komunës Vrapçisht do të ketë edhe koalicioni i kryesuar nga LSDM me 595 vota të fituara (5,84 për qind). Përfaqësues në këshill nuk do të kenë koalicioni i VMRO-DPMNE-së, sepse fituan 297 vota (2,92 për qind) dhe PDSH me 295 (2,90 për qind).

Në zgjedhjet e së dielës në komunën Vrapçisht, sipas rezultateve të cilat i ka kumtuar KSHZ, gjithsejt kanë votuar 10.185 persona, përkatësisht dalja ka qenë 40,13 për qind.

Këshillat zgjedhor, regjistruan edhe 345 fletëvotime të pavlefshme.

© ZHURNAL 18.10.2017, 13:24 | Xh.I. | 3,035 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."