Ali Ahmeti rrezikon me Merkon të humbasë 5 komuna tjera?!
maqedonia
Ali Ahmeti rrezikon me Merkon të humbasë 5 komuna tjera?!

Ali Ahmeti rrezikon me Merkon të humbasë 5 komuna tjera?!

Shkup, 17 tetor -Sipas rezultateve që dolën me 15 Tetor ku shumica nga kandidatët shkojnë në rrethin e dytë për arsye të mungesës së votës për të fituar që në raundin e parë, tanimë veçse fillojnë kalkulimet e mëdha brenda partive BDI, Aleanca për Shqiptarët, Besa, Aleanca për Shqiptarët Uniteti-RDK dhe LSDM, transmeton Zhurnal.

Para shumë pak çastesh doli edhe një fotografi, ku siç duket është duke u biseduar për një koalicionim të mundshëm ndërmjet ASH dhe BESA, për marrëveshje në nivel republikan për në raundin e dytë.

E gjithë kjo siç mëson Agjencia e Lajmeve Zhurnal është nga revolta e kreut të ASH, Ziadin Sela, i cili gjatë gjithë kohës apelonte deri te kreu i BDI-së Ali Ahmeti që të dorëheqë kandidatin e tij Ramiz Merkon për të mos përçarë votat në Strugë dhe rrezikun që kjo komunë mund të kalojë tek pala maqedonase.

Pas rezultatit të 15 Tetorit ku Ziadin Sela doli në epërsi me 9.289 ku i dyti u rreshtua Merko me 7.916 vota, ndërsa nga ana tjetër LSDM me 7.140 vota.

Mirëpo tani Ziadin Sela si duket do ti hakmerret kreut të BDI-së Ali Ahmetit me një koalicion me Lëvizjen Besa e cila gjithashtu ka marrë shumë vota në këto komuna, Gostivar, Tetovë, Çair, Zhelinë, që tani me koalicionin që do të bëjë me Lëvizjen Besa do të ja arrijë qëllimit që ti thotë Ali Ahmetit “Game Over”.

Dhe njëhkohësisht gjatë fushatës të cilët kreu i ASH- Ziadin Sela u përplasën me kreun e  BDI-së Ali Ahmeti duke i matur forcat pikërisht në këkë komunë.

 Pra nëse zyrtarizohet marrëveshja mes ASH-Besa atëhere në komunën e Gostivarit bindshëm do të fitojë Arben Taravari nga ASH.

Si dhe duke rrezikuar komunën e Zhelinës, Dibrën po edhe Çairin, Bogovinën.

Atëherë BDI-ja në këto zgjedhje i bëri shërbim vetëm LSDM-së e cila nxorri Shilegovin  fituesin në Qytetin e Shkupit me shqiptarët, ndërsa nga ana tjetër nuk fitoi vetë shumë benefite.

Ndërsa rreziqet e Aleancës për Shqiptarët gjegësisht kreut të Aleancës për Shqiptarët, Ziadin Selës që kjo marrëveshje me Lëvizjen Besa mund ta kushtojë shumë, nëse do të humbasë në vendin e vetë atëherë do i humb kredibiliteti si kryetar i partisë, nëse del nga qeveria do e humb seriozitetin si parti politike opozitare te shqiptarët i cili vazhdimisht synonte Gjuhën Shqipe, ndarjen e buxhetit në mënyrë proporcionale dhe gjithë ato premtime tjera që do të zgjënjejnë gjithë elektoratin e vetë dhe shumë shqiptarë sepse pushteti qendror do të mbetet në duart e Bashkimit Demokratik për Integrim dhe Lidhjes Social Demokrate.

© ZHURNAL 17.10.2017, 16:10 | I.XH | 44,567 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."